ابڙو اڪيڊمي Abro Academy
2020-07-22
داخلا نمبر 604
عنوان اُٽيرڻ ننڍي
شاخ پکي
پڙهيو ويو 309
داخلا جو حوالو:
اُٽيرڻ ننڍي
17 سينٽي ميٽر جسامت واري هن اُٽيرڻ جا به نر ماد هڪجهڙا ٿين ٿا. ان جي پٺي پٿريلي سرمائي، پڇ هلڪو ٻه ڦاڪو ۽ ڪارين چوٽين سان ٿئي ٿو. ان جي پَرن جا اندريان کنڀ ڪارا ۽ اڇا ٿين ٿا. پرن جون پڇڙيون به ڪاريون هونديون آهن. ننڍي اُٽيرڻ جو هيٺيون جسم اڇو ٿئي ٿو.
هي پکي اڪثر وڏن ولرن ۾ هوندو آهي. وارياسين ڪنڌين يا درياهي پيٽ ۾ ڏسبا آهن، جتي اهي درياهي ٻوڏ يا برساتن کان اڳ آکيرا ٺاهيندا آهن. ان جو اڪثر وقت اڏامندي ۽ جيت جهليندي گذرندو آهي.